Яагаад органик даавуу гэж?

Зарим хүмүүс ингэж боддог:

• Хувцас хүртэл органик гэж байдаг юм уу?
• Органик даавуу илүү үнэтэй шд
• 100% хөвөн даавуу л бол даавуу, ялгаагүй байх өө
• Органик даавуун хувцас өнгөлөг биш болохоор таалагддаггүй!

Тэгвэл органик даавуу ба энгийн даавууны ялгааг тайлбарлая.

Үрийн гарал үүсэл: Органик хөвөн нь байгалийн гаралтай, генийн өөрчлөлтгүй (GMO-free) үрээр таригддаг бол энгийн хөвөн нь ургац их авах зорилготой, генийн өөрчлөлттэй үрээр тариалдаг.

Тариалалтын нөхцөл: Органик хөвөн тариалалт нь байгалийн бордоо, хортонтой тэмцэх эко аргыг ашигладаг. Харин энгийн хөвөнд химийн бордоо, пестицид их хэмжээгээр хэрэглэж, хөрс болон орчныг бохирдуулдаг.

Хөрсөнд үзүүлэх нөлөө: Органик хөвөн тариалалт нь хөрсний бүтэц, бичил биетний амьдрах орчныг дэмжиж, нөхөн сэргэх чадварыг нэмэгдүүлдэг. Харин энгийн хөвөн тариалалт нь хөрсний шим тэжээлийг багасгаж, удаан хугацаандаа үржил шимгүй болгодог.

Усалгааны хэрэглээ: Органик хөвөн нь борооны усаар услагддаг тул усны хэрэглээ бага — 47% хүртэл хэмнэлттэй байдаг. Харин энгийн хөвөн нь ихэвчлэн гүний ус, усалгааны системээс хамааралтай бөгөөд хөрс нь ус шингээх чадвар муу байдаг учраас их хэмжээний ус шаарддаг.

Даавууны чанар: Органик хөвөн нь байгалийн жамаараа ургаж, химийн бодисоор гэмтээгүй байдаг тул утасны ширхэг нь илүү урт, бат бөх, зөөлөн байдаг. Ихэнх тохиолдолд байгалийн өнгөөрөө үлддэг эсвэл ургамлын гаралтай будгаар буддаг. Энгийн хөвөн даавуу нь хлоржуулсан цайруулагч, хүнд металлтай будаг зэрэг химийн бодис ашигладаг тул утас нь богино, амьсгалах чадвар багатай, хялбар элэгддэг.

Нийгэм, эдийн засгийн нөлөө: Органик хөвөн тариалалт нь фермерүүдийн эрүүл мэнд, амьжиргааг хамгаалж, шударга хөдөлмөр эрхлэлтийг дэмждэг. Анх өндөр үнэтэй мэт санагдах ч удаан эдэлгээтэй тул дахин худалдан авах шаардлага бага, урт хугацаандаа хэмнэлттэй. Харин энгийн хөвөн үйлдвэрлэлд хямд ажиллах хүч ашиглагддаг бөгөөд ажилчдын цалин бага, хөдөлмөрийн нөхцөл тааруу байх нь элбэг. Энгийн хөвөн даавуу хувцас нь чанар багатай учир амархан муудаж, дахин дахин худалдан авалт хийх хэрэгтэй болдог.

Эрүүл мэндэд үзүүлэх нөлөө: Органик хөвөн нь амьсгалах чадвар сайтай, харшил өгөхгүй, арьсанд ээлтэй байхад энгийн хөвөн даавуу нь химийн бодисын үлдэгдэлтэй байж болзошгүй бөгөөд харшил үүсгэх магадлалтай байдаг байна.

Органик даавууны ялгаа, давуу талаас цөөхнийг дурдахад ийм байна. Тэгвэл худалдаанд байгаа олон олон органик хувцасны брэндүүдээс алийг нь сонгох вэ гэж та бодож байна уу? Зүгээр л "органик" нэр зүүсэн хувцсаас ялгаатай нь, Канадын Eotton брэндийн бүтээгдэхүүн олон улсын GOTS болон OEKO-Tex гэсэн хоёр стандартаар баталгаажсан байдаг. Global Organic Textile Standard нь органик гаралтай, эрүүл, аюулгүй, хариуцлагатай үйлдвэрлэлийг баталгаажуулдаг бол OEKO-TEX® STANDARD 100 гэдэг нь тухайн бүтээгдэхүүн хорт бодис агуулаагүй, хүний биед хоргүй болохыг баталгаажуулдаг.

Эдгээр хоёр сертификатыг хамтад нь эзэмшдэг Eotton брэндийн хувцас, хэрэглэлийг та бүрэн итгэлтэйгээр сонгож болно.

Nature's Gentle Touch ~ Байгаль эхийн энхрийлэл 💚